Na súa vixésimo oitava edición, o Congreso de Psicoloxía Ambiental Aplicada(ICAP) reuniu uns 4500 participantes provintes de máis de 100 países. Durante a reunión, con sede en París e levada a cabo entre os días 8 e 13 de Xullo, lembrouse o estimulante da época actual para o campo da Psicoloxía Aplicada nun momento en que se está a traballar en conexión coas diversas crises sociais. Entre os citados na capital francesa, o Profesor Ricardo García Mira da Universidade da Coruña asistiu como director do Grupo Persoa-Ambiente e en calidade de presidente da  “Asociación Internacional para o Estudo da Persoa-Ambiente”(IAPS).

Leer más»

Previamente á nosa primeira reunión dos membros do consorcio GLAMURS en Roma entre os próximos 1 e 3 de Outubro, unha nova reunión tivo lugar en Bath do 17 ao 18 de xullo pasado. Esta reunión, organizada pola Universidade de Bath, centroua atención no bo inicio dos traballos de colaboración, a definición dos aspectos específicos da modelización e tamén a conexión da investigación empírica e a proxección cara ao futuro.

Leer más»

O pasado 27 de xuño rematou a vixésimo terceira edición da Conferencia de IAPS cun balance moi positivo para os membros do Grupo Persoa-Ambiente. Dúas das investigadoras doutorandas, Amalia Fraga e Isabel Lema, presentaron os seus proxectos en sesións baixo os títulos “Educación Ambiental, participación pública e procesos de abaixo a arriba” e “Avaliación Psicosocial en contornas organizacionais” respectivamente. Insertas na Psicoloxía Social ditas pesquisas amosan por unha banda a importancia e función transformadora da Psicoloxía Social e por outra analizar como certas modalidades laboráis como o traballo a quendas afectan á calidade de vida de traballadores e traballadoras.

Os profesores Ricardo García Mira e Adina Dumitru presidiron varios paneis de presentación durante a Conferencia e participaron da exposición final de resultados do Proxecto Locaw, pechado o pasado Decembro e que se atopa agora nunha fase de devolución dos resultados á cidadanía. Alén do anterior e na liña dos novos proxectos do Grupo, afondouse no emprego de técnicas de investigación e aproximacións teóricas aos estudos sobre a sostenibilidade e de apoio ás transicións cara modelos socio-ambientalmente responsables. A construción de escenarios de futuro e modelados baseados con axentes foron presentadas como ferramentas moi eficades ao aplicalas no estudo das transicións locais en canto a patróns de consumo, producción e uso do tempo. As sesións remataron destacando a necesidade de estabelecer novas axendas de investigación académica que recollan os retos da sostenibilidade e o cambio climático.

Leer más»

A 23 Conferencia de IAPS foi tamén o punto de arranque da Presidencia de IAPS por parte do profesor García Mira, quen xa resultara escollido por unanimidade do Consello de Dirección para dita responsabilidade durante o peridodo 2014-2018. No seu discurso inaugural, e como novo presidente, comprometeuse ante os membros de IAPS asistentes á Reunión Anual Ordinaria a impulsar una maior conexión de IAPS cos órganos internacionis que son responsables da xestión da investigación e innovación, consolidando IAPS como corpo de expertos no eido dos estudos sobre a relación das persoas e o medio ambiente. Do mesmo xeito, anunciou que reforzará a expansión de IAPS no contexto internacional no que opera e integrará criterios sostibles de xestión da organización nos aspectos organizacionais, sociais e económicos. García Mira aproveitou tamén a ocasión para felicitar aos membros do Consello saínte polo traballo realizado e convidou aos membros reelixidos e aos de recentes incorporación a traballar dura e coordinadamente neste emocionante proxecto.

Como segunda sesión de traballo e baixo o título “Experiencias de transformación social en Galicia. Procesos de transición cara economías responsables e estilos de vida sostibles”, o pasado día 5 de Xuño, o Grupo de Investigación organizou un obradoiro  de achega a diferentes iniciativas de economía social que desenvolven a súa actividade en Galicia. A xornada reuniu preto de 30 persoas pertencentes a entidades de economía social  activas no territorio como Fiare, Amarante Setem, Zocamiñoca, A Xoaniña, Millo Miúdo e o Banco de Tempo do Concello de Burela así como profesorado e persoal universitario da UDC. Presentáronse as liñas de traballo do equipo Persoa-Ambiente e a experienza das iniciativas convidadas e estabelecéronse as bases para unha colaboración a longo prazo.

Leer más»

O pasado día 4 de Xuño a Universidade da Coruña acolleu o Seminario “Universidades en Transición Cara a Sustentabilidade”  ocasión para afondar nos debates sobre a sustentabilidade e as transicións cara a modelos relacionais e de vida que respondan mellor aos criterios ecolóxico e de responsabilidade social e ao que asistiron unas cincuenta persoas e cargos de responsabilidade provintes do mundo académico, sociedade civil e estudantado so o obxectivo de promover e aumentar a eficacia das políticas medioambientais universitarias.

Leer más»

As grandes organizacións son responsables dunha grande cantidade de emisións de efecto invernadoiro. Estas, orixínanse nos procesos produtivos e mais por efecto de condicionantes externos determinados polas regras de funcionamento do sistema económico no que se atopan insertas as empresas e no que desenvolven a súa actividade. Como resultado das novas normativas estatal e europea, as corporacións teñen comezado xa a desenvolver mecanismos para reduciren o seu nivel de emisións á atmosfera.

Segundo demostrou o Informe Europeo para o Desenvolvemento Sostible de 2009, estas estratexias non son abondo para asegurar un descenso significativo nos niveis de polución. Nese contexto, entre 2011 e 2013 o Grupo de Investigación Persoa-Ambiente participou e coordinou un Consorcio Europeo de Universidades nun proxecto sobre as barreiras  e factores promotores das mudanzas cotiás cara modelos de vida máis sostibles.

Pincha  aquí para descargar

Leer más»

Copyright 2012 © Grupo de Investigación Persona-Ambiente