Xuñ
02
O Grupo de Investigación Persoa-Ambiente organiza -no marco do proxecto europeo TRANSIT (http://www.transitsocialinnovation.eu)- o seminario internacional “Motivacións, relacións e transformacións: O papel da aprendizaxe social na axencia individual e colectiva para a innovación social”.
O seminario terá lugar na Facultade de Ciencias da Educación (Salón de Graos, andar 1) da Universidade da Coruña (Campus de Elviña), os días 8 e 9 de Xuño de 2016 e nel participarán una trintena de investigadores e activistas expertos en procesos de innovación social transformadora.
Descarga o programa aquí:TRANSIT_3IW_ACoruna2016_V7 (1)
Xuñ
02
Desde o pasado día 16 de Maio o Grupo de Investigación Persoa Ambiente acolle á Psicóloga mexicana Mónica Maldonado, que realizará unha estancia de investigación de 1 mes e medio na Universidade da Coruña baixo o patrocinio da Comisión Nacional de Ciencia e Tecnoloxía (CONACyT) do Goberno de México e da Universidade Nacional Autónoma de México (UNAM).
Durante a súa presentación, Mónica Maldonado introduciu brevemente os seus intereses de investigación e algíns traballos realizados dentro da área da Psicoloxía Social e Ambiental. Os seus esforzos de investigación céntranse agora en deseñar intervencións dirixidas á etapa de educación infantil en México que axuden a reducir e previr a obesidade. México é o segundo país a nivel mundial con maiores taxas de sobrepeso. Entre as posibles causas disto, Mónica Maldonado apuntaba á elevada presenza de carbohidratos na dieta tradicional mexicana, a extensión de hábitos sedentarios entre a poboación e a carestía dos alimentos frescos no seu país de orixe. Estudos recentes da Organización Mundial da Saúde teñen demostrado que a adopción de hábitos iníciase entre os 3 e 5 anos. Nesta liña, o Programa de Estudos no que se insire o traballo de Mónica Maldonado deseña e está xa aplicando intervencións como as hortas escolares, íntegramente en centros de educación prescolar na área da Cidade de México e que buscan xerar hábitos sostibles desde la escuela.
